Кабардин-Балқарда ағымдағы жылдың 1 қазанындағы жағдай бойынша шаруашылықтардың барлық санаттары 264,8 мың га алқаптан 15,3 мың тонна ашық жердегі көкөністерді жинады. Мұндай мәліметтерді «Северо-Кавказстат» хабарлады, деп хабарлайды ҚазАқпарат Ресей Ауыл шаруашылығы министрлігінің ресми сайты.
Өткен жылдың сәйкес кезеңімен салыстырғанда көкөністің жалпы өнімі 32 пайызға артық.
Ағымдағы күннің өнімділігі де өткен жылғыдан 30,4 центнерге артып, гектарына 173 центнерге жуықтады.
Қазір егіс алқаптарында қырыққабаттың, сәбіздің, қызылшаның алуан түрлерін жинау жұмыстары аяқталуда.
Ағымдағы жылы барлығы 16,8 мың гектар алқапты ашық көкөністер алып жатыр, бұл өткен жылғы алқаптың 109 пайызын құрайды. Оның ішінде 10,5 мың гектар көкөніс екпелері ұйымдастырылған секторда – ауыл шаруашылығы ұйымдарында, шаруа қожалықтарында және жеке кәсіпкерлерде шоғырланған.