Қазақстан Республикасы Парламентінің төменгі палатасы Қазақстан мен Ресей арасындағы Жамбыл облысында минералды тыңайтқыштар шығаратын зауыт салу жобасын іске асыру туралы келісімді ратификациялау туралы заң жобасын мақұлдады.
Жобаны ресейлік «Еврохим» компаниясы жүзеге асыруда.
ҚР Индустрия және инфрақұрылымдық даму министрі Бейбіт Атамқұлов атап өткендей, жобаның бірінші кезеңі аяқталды: тау-кен кешені іске қосылды, оның негізінде жылына 660 мың тоннаға дейін фосфорит өндіруге қол жеткізілді. жылына 640 мың тонналық орташа ұсақтау және ұсақ ұнтақтау қондырғысы құрылды. Инвестиция көлемі 126 миллион долларды құрады.
Екінші кезеңде қуаттылығы жылына кемінде 1 млн тонна өнім өндіретін минералды тыңайтқыштар мен өнеркәсіп өнімдерін өндіру бойынша инновациялық-химиялық кешеннің құрылысы қарастырылған. «Қазіргі уақытта «Еврохим» компаниялар тобы екінші кезеңді кеңейтілген қаржыландыру аясында 138,7 миллион доллар инвестициялады», - деп қосты Атамқұлов.
Келісім корпоративтік табыс салығын, қосылған құн салығын және мүлік және жер салығын төлеуден босатуды қарастырады.
Одан әрі келісімді ратификациялау туралы заң жобасы республика парламентінің жоғарғы палатасы – Сенатқа жіберіледі.