Түмен облысы диқандарының 2022 жылы мақтанатын тұстары бар. Мамандардың техникаға, тұқымдарға, тыңайтқыштарға жұмсаған күш-жігері ауа-райының қолайлылығымен бірге лайықты нәтиже алуға мүмкіндік берді. Облыста 1,9 миллион тоннаға жуық дәнді және бұршақ дақылдары жиналды. Бұл туралы «Интерфакс» және «Тюмень лайн» ақпарат агенттіктерінің бірлескен баспасөз орталығында өткен баспасөз мәслихатында агроөнеркәсіп кешенінің дамуын қорытындылай келе, облыс әкімінің орынбасары, Түмен облысы Агроөнеркәсіп кешені департаментінің директоры Владимир Чейметов мәлімдеді.
«Біз Түмен облысының 2011 жылғы рекордынан сәл ғана қалып отырмыз. Бастапқыда жиналған жалпы өнім екі миллион тоннадан асса да, астықты өңдеп, кептіргеннен кейін соңғы деректер 1 миллион тоннадан аз болып шықты. Жалпы, түмендік аграрийлер алға қойған міндеттерді абыроймен атқарды. Біз рекордтық көрсеткішке жақын астық жинадық», - деп түсіндірді ол.
Түмендік көкөніс өсірушілер өнімділік бойынша абсолютті рекорд орнатты. Ашық жердегі көкөністерден гектарына 522 центнерден өнім алынды. Жалпы өнім 55 мың тоннадан астамды құрады. Екінші жыл картоп саласы да нәтижелі жұмыс көрсетуде. Жалпы өнім 230 мың тоннадан астам «екінші нан» құрады. Агроөнеркәсіптік кешен департаменті директорының айтуынша, жиналған өнім облыс қажеттілігін толығымен өтеп отыр, Түмен облысы басқа өңірлерге 10 мың тоннадан астам картоп тұқымын ұсынуға дайын.
«Бірқатар муниципалдық аудандар мен ауыл шаруашылығы кәсіпорындары өздерінің ішкі рекордтарын орнатты. Атап айтқанда, «КриММ» агрофирмасы 106 мың тонна картоп жинаса, биыл 125 мың тонна картоп жинады. Бұл қайта өңдеумен бірге Элиталық класты картоп тұқымының ресейлік өндірісіндегі көшбасшы мәртебесін сақтауға мүмкіндік беретін күрделі өндіріс», - деді Владимир Чейметов.
2023 жылы облыс егіс алқабын 6 мың гектарға жуық арттыруды жоспарлап отыр.
Облыс әкімінің орынбасары ресейлік машина жасаушылардың импортты алмастыру үдерісіне белсенді түрде атсалысқанын және биылғы жылы құрамдас бөліктерді жеткізудегі қиындықтарға қарамастан, ауыл шаруашылығы тауар өндірушілерінің барлық сұраныстарын қанағаттандырғанын атап өтті.
«Жеткізуде ақаулар бар ма?» деген сұрақ жиі қойылады. Жоқ, ауылшаруашылық техникасының барлық жоспарлы жөндеу жұмыстары уақытында өтті. Жақсы үйлестірілген жұмыс барлығын кестеге сәйкес аяқтап, лайықты өнім алуға мүмкіндік берді. Қазір шаруалардың назарын көктемгі дала жұмыстарына дайындыққа аударып жатырмыз, олар қыста ауылшаруашылық техникасының барлық қосалқы бөлшектеріне тапсырыс беріп, барлығы дер кезінде жетсін», - деп түйіндеді сөзін Владимир Чейметов.