Жоғары сапалы жергілікті картоп тұқымының тапшылығы соңғы уақытта Әзербайжан фермерлерінің басты мәселесіне айналды, деп хабарлайды Sputnik Азербайжан. Картоп өсірушілер шетелден қымбат тұқым әкелуге мәжбүр.
Товуз тәжірибе станциясында жергілікті сорттардың селекциясы мен тұқым шаруашылығы жүргізілуде. Мамандар сырттан әкелінген картопқа қарағанда жергілікті тұқымның бағасы арзан әрі өнімділігі жоғары екенін айтады. Аран ойпатының егістік алқаптарында жақсы күтіммен картоп өсіргенде гектарына 25-30 тоннадай өнім алуға болады.
«Қазір Товуз қаласындағы Тәжірибе стансасының егістік алқаптарында картоптың отандық «Амир-600», «Севинж», «Тельман» сорттарының тұқымдары егіліп жатыр. Импорттық сорттардан айырмашылығы, жергілікті тұқым арзанырақ. Бірақ олар жеткіліксіз, фермерлердің көпшілігі оларды пайдалана алмайды», - дейді Товуз тәжірибе станциясының картоп селекциялық және тұқымдық зертханасының меңгерушісі Юсиф Мұстафаев.
Мұстафаевтың айтуынша, тапшылықтың себебі, тәжірибе алаңдарына отырғызу алаңдарының аз бөлінгендігі.
«Біз картоптың жаңа сорттарын жасауға тырысамыз. Қазіргі уақытта институт бірнеше жаңа өнімдерді жасап үлгерді. Бұлар Чанлибел, Угур, Вагиф және т.б. Олар өнімді және ауруға төзімді. Дегенмен, тәжірибе алаңдары жеткіліксіз. Біздің мақсатымыз – жақын арада республиканы тұқыммен қамтамасыз ету үшін тұқым санын көбейту», - деді ол.
Әзірбайжанда қазір картоп 60-70 мың гектар алқапта өсіріледі, шаруашылықтар бұл дақылдың 200 мың тоннадан астам тұқымын қажет етеді.